DİN həbs olunan reperin nədə ittiham edildiyini açıqlayıb

Daxili İşlər Nazirliyi (DİN) “Rüzgar” ləqəbli reperin saxlanılması barədə məlumat yayıb.

Din “Rüzgar” ləqəbli reper Aydın Hüseynovun üzərində aparılan axtarış zamanı 1,21 qram marixuana aşkar edildiyini açıqlayıb.

O da qeyd edilir ki, A. Hüseynov narkotik istifadəçisi olduğunu etiraf edib.

Hansı ittihamla saxlanılıb: Məhkəmənin qərarı ilə İnzibati Xətalar Məcəlləsinin 206-cı (Qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi) maddəsi ilə 30 sutka müddətində inzibati qaydada həbs edilib.

Nə baş verib: Rüzgar və onun produserini tədbirə dəvət adı ilə Qış Parkı yaxınlığında görüşə çağırıblar. Əraziyə çatanda məlum olub ki, onları dəvət edənlər Sumqayıt Şəhər Baş Polis idarəsinin əməkdaşları olub.

Arxamızca 4 maşın əməliyyatçı gəlmişdi. Bizə bildirdilər ki, Rüzgarı həbs etməliyik. Səbəbini soruşduqda isə, Silahlı insidentdə iştirak etdiyini dedilər. Rüzgarı götürüb apardılar. Səbəbin Rüzgarın “Mal-mal” mahnısı olduğunu dedilər. Mən İzah etməyə çalışdım ki, bu mahnı sevgidəndi. Narkotiklə əlaqəsi yoxdur.