Avstraliyada tanrının izninə zidd olduğu üçün gəlir vergisi ödəməkdən imtina edən xristian ailə 2 milyon Avstraliya dollarından çox (təxminən 2 milyon 390 min AZN) məbləğdə cərimələnib. Tazmaniya əyalətində yaşayan Rembert Korenlis Bireput və Feni Alida Bireput 2011-ci ildən bəri gəlir vergisi ödəməkdən imtina edib.
Məhkəmədə müdafiəsində ailə deyib ki, onların sahibi olduğu heç nə yoxdur, çünki özləri də tanrıya məxsusdurlar və ailə üçün tanrının qanunları daha vacibdir.
Rembert Bireput deyib:
Vergi ödəmək tanrıya bağlılığı zəiflədir və bu davranışlar sel və quraqlıq kimi fəlakətlərə səbəb olur. Tanrıya olan sadiqliyimi götürüb İngiltərə Millətlər Birliyinə vermək tanrıya üsyan etmək deməkdir, bu da ilk əmri tapdalamaqdır.
Hökmü elan edən məhkəmə üzvü Stefen Holt ailənin inancına hörmət etdiyini, amma İncildə onların arqumentlərini dəstəkləyən konkret ifadələrin olmadığını vurğulayıb.
Hökmə görə bacı-qardaş 1.6 milyon və 1.7 milyon Avstraliya dolları cərimə ödəməlidir. Bu məbləğə vergi ilə yanaşı inzibati cərimələr, faiz və digər xərclər daxildir.
