“Palmali” şirkətlər qrupunun qurucusu Mübariz Mənsimov bu gün Maliyyə Cinayətlərilə Mübarizə Şöbəsinin qrupları tərəfindən saxlanılıb. Türkiyə mediası yazır ki, Mənsimovun saxlanılmağının səbəbi İstanbul Baş Prokurorluğunun araşdırdığı FETÖ istintaqıdır. Onun evində və iş yerində axtarış olub və Vətən prospektində yerləşən İstanbul Təhlükəsizlik İdarəsinə aparılıb.
M. Mənsimov kimdir: Azərbaycanlı iş adamı Mübariz Mənsimov, 1998-ci ildən bəri Türkiyədə yaşayır. 2007-ci ildə “Gurbanoğlu” soyadını da götürərək Türkiyə vətəndaşlığı alıb. 2018-ci ildə onun şirkətinin Türkiyədən çıxacağı barədə iddialar yayılıb.
İllərdir deyirlər ki, gedir, amma buradayam. Türkiyəni sevirəm. Burada işə də davam edirəm.
M.Mənsimov iddiaları belə cavablandırmışdı.
