Avropada koronavirus geniş yayıldığına görə “Eurovision 2020” mahnı müsabiqəsinin ləğv edildiyi bildirilir. Report yazır ki, müsabiqənin təşkilatçıları bu barədə rəsmi məlumatı sabah, martın 19-da açıqlayacaq. Gələn il müsabiqədə ölkələri elə bu ilki iştirakçıların təmsil edəcəyi ehtimal olunur. Amma bu ilki müsabiqə üçün hazırlanan mahnılardan istifadə etmək mümkün olmayacaq.
Müsabiqə harada və nə vaxt olmalı idi: “Eurovision 2020” müsabiqəsinin bu il 12-16 may tarixlərində Niderlandda keçirilməsi planlaşdırılırdı. Müsabiqə Rotterdam şəhərindəki “Ahoy” konsert zalında olmalı idi. Azərbaycanı müsabiqədə Efendi “Kleopatra” mahnısı ilə təmsil etməyə hazırlaşırdı.
