Amerikalı aktyor Tom Henks və həyat yoldaşı Rita Uilson rəsmi olaraq Yunanıstan vətəndaşı oldular. Bu barədə Yunanıstanın baş naziri Kyriakos Mitsotakis İnstagram səhifəsində yazıb.
Yunanıstanın Antiparos adasında daşınmaz əmlaka sahib olan aktyorun həyat yoldaşı Rita Uilson yunan və bolqar əsillidir.
Yunanıstan cənnətin bir parçasıdır. Mən bütün dünyanı gəzmişəm, dünyanın ən gözəl yerlərində olmuşam, amma onların heç biri Yunanıstana çatmır”
deyə Henks bildirib.
2019-cu ilin dekabr ayının sonunda Yunanıstan prezidenti Prokopis Pavlopoulosun T.Henks, həyat yoldaşı və uşaqlarına vətəndaşlıq vermək barədə sərəncam imzaladı.
Həmin vaxt rəsmilər 2018-ci ildə 100-dən çox insanın ölümünə səbəb olan Afina yanğınlarına dünya mediasının diqqətini cəlb etməkdə Henksin rolunu vurğuladılar.
Hollivud aktyoru Tom Henks 2 Oskar mükafatı alıb.
64 yaşlı aktyor “Philadelphia”, “Forrest Gump”, “Green mile”, “Da vinci code” və digər filmlərdə oynayıb.
Aktyorun ümumi sərvəti 350 milyon dollar qiymətləndirilir.
