Ötən həftə Livanın paytaxtı Beyrutda baş verən partlayışdan sonra ölkənin ədliyyə naziri Mari Klod Nəcm də istefa verib. Nəcm partlayışdan sonra Beyrutda istefa verən üçüncü nazir oldu.
Bundan əvvəl Livanın informasiya naziri Manal Abdel Səməd və ətraf mühit naziri Damianos Kattar istefa etmişdilər.
Beyrutun qubernatoru Marvan Abbud ölənlərin sayının 200-ü keçdiyini açıqlayıb. O, itkinlərin çoxunun xarici işçilər olduğunu bildirib.
Beyrutdakı partlayışdan sonra minlərlə insan şəhərdə evsiz qaldı.
Nə baş verib: Avqustun 4-də Beyrutda partlayış olub. Livan Prezidenti Mişel Aoun istintaqda “xarici müdaxilənin” mümkünlüyünün də nəzərdən keçirildiyini bildirərək müstəqil istintaq komissiyasının yaradılmasını rədd edib.
