Nardaran hadisələri zamanı həbs olunan Cahad Babakişizadənin Qobustanda yerləşən qapalı həbsxanada aclıq aksiyası keçirdiyi və ağzını tikdiyi bildirilir. AzadlıqRadiosu onun yaxınlarına istinadən yazır ki, C.Babakişizadə həbsxana rəhbərliyinin ona və digər məhkumlara qarşı alçaldıcı davranışlarına və işgəncələrə etiraz olaraq bu addımı atıb.
Yaxınları bildirir ki, C.Babakişizadə sonuncu dəfə onlarla avqustun 26-da telefonla danışıb. O, heç bir əsas olmadan cərimə kamerasına (“kars”) salındığını deyib:
Əgər telefon danışığı kəsilsə, bilin ki, ağzımı tikib aclıq eləmişəm. Səbəb də budur ki, həbsxana rəhbərliyinin özbaşınalığı məni cana-boğaza yığıb. Əlimdən də başqa bir şey gəlmir. O qədər özbaşınalıq eləyirlər, artıq pik həddədir. Məni heç nədən karsa salıblar”.
Ailə üzvləri “kars”a salınması barədə danışanda isə telefon zənginin kəsildiyi deyir. Bundan 2 gün sonra həbsxanadakı başqa bir şəxs vaxitəsilə onun aclıq etdiyini, ağzını tikdiyini barədə xəbər alıblar. öyrəniblər. C.Babakişizadə onu da deyib ki, həbsxana rəhbərliyi məhbuslarla qul kimi davranır, istədiyi vaxt cəzalandırır, işgəncə verir.
Nə baş verib: Cahad Babakişizadə 2015-ci ildə Nardaranda baş vermiş əməliyyat zamanı həbs olunub. O, dövlət çevrilişinə cəhd, qanunsuz silah saxlama, terrora çağırış və s. əməllərdə təqsirli bilinərək 14 il 6 ay müddətinə azadlıqdan məhrum edilib. C.Babakişizadə bu ittihamları rədd edir və özünü günahkar saymır.
