Belarus istintaq idarəsi “Nexta” telegram kanalının yaradıcısı Stepan Putilo və kanalın keçmiş baş redaktoru Roman Protaseviçə qarşı cinayət işi başladıb. Bu barədə noyabrın 5-də idarənin saytı yazıb.
Hansı maddə ilə: Belarus Cinayət Məcəlləsinin 130-cu maddəsinin 3-cü bəndi – hakimiyyət nümayəndələrinə və hüquq-mühafizə orqanlarına qarşı qəsdən hərəkətlərin edilməsi ilə əlaqədar cinayət işi açılıb. İstintaq idarəsi düşünür ki, onlar ixtişaşları bu ilin avqust ayından sentyabr ayına qədər idarə etdikləri “Telegram” kanalı vasitəsi ilə ediblər.
22 avqust tarixində “Nexta” telegram kanalının təsisçisi Stepan Putilo kütləvi iğtişaşların təşkilində (CM-nin 293.1 və 293.3-cü maddələri) şübhəli bilinərək barəsində cinayət işi açılıb. Bu maddəyə əsasən onu 15 ilədək həbs cəzası gözləyir.
“Nexta” haqqında nə bilirik: Putilo “Nexta” və “Nexta Live “ kanallarını 2 il əvvəl yaradıb. Seçkilərdən sonrakı hadisələri aktiv şəkildə işıqlandıran “Nexta” kanalının hazırda 900 mindən çox, “ Nexta Live”-ın isə 1,9 milyondan çox abunəçisi var.
Hazırda təqsirləndirilən Stepan Putilo və Roman Protaseviç beynəlxalq axtarışdadırlar.
