Rusiya və Türkiyənin müdafiə nazirləri Sergey Şoyqu və Hulusi Akar Dağlıq Qarabağda atəşkəsə nəzarət etmək üçün ortaq mərkəzin yaradılması barədə memorandum imzalayıblar.
Bu barədə noyabrın 12-də Rusiyanın hərbi departamenti məlumat yayıb.
Məlumatda deyilir ki, monitorinq mərkəzi müqavilələrin pozulması ilə bağlı hər hansı bir şikayət, sual və ya narahatlıqla məşğul olan qurum olacaq.
S.Şoyqu mərkəzin yaradılmasını tərəflərin hərbi əməliyyatların dayandırılması rejiminə uyğunluğu üzərində nəzarət etməyə imkan verəcəyini və uzun müddətdir davam edən münaqişənin həllinə zəmin yaradacağını deyib.
Nazir bildirib ki, Rusiya, Azərbaycan və Ermənistan liderlərinin əldə etdiyi razılaşma və bölgəyə sülhməramlıların gətirilməsi qan tökülməsini dayandırmağa və dinc həyata qayıtmağa şərait yaratdı.
Türkiyənin xarici işlər naziri Mövlud Çavuşoğlu qeyd edib ki, sözügedən mərkəz Azərbaycan ərazisində və Azərbaycanın müəyyənləşdirdiyi yerlərdə yaradılacaq.
Nə baş verib: Sentyabrın sonunda Qarabağda vəziyyət gərginləşib: Ermənistan və Azərbaycan bir-birlərini 1980-ci illərin sonunda başlayan münaqişəni böyütməkdə günahlandırdılar. Hər iki tərəf tam və ya qismən səfərbərlik elan etdilər və döyüşlər başladı. Toqquşmalar nəticəsində mülki itkilər də qeydə alındı.
Atəşkəs cəhdləri: Ay yarım əzrində tərəflər atəşi dayandırmaq üçün 3 uğursuz cəhd göstərilib. Noyabrın 10-da Rusiya, Azərbaycan və Ermənistan arasında bəyanat imzalandı. Bu sənədə görə, Azərbaycan və Ermənistan hərbi əməliyyatları dayandırılmalı, əsirlər dəyişdirilməli, Ermənistan Kəlbəcər, Laçın və Ağdamı Azərbaycana qaytarmalıdır.
Sənədə əsasən 2000-ə yaxın Rusiya sülhməramlısı Dağlıq Qarabağa yerləşdirilib və onlar ən azı 5 il bölgədə qalacaq.
