Türkiyəli jurnalist Can Dündar qiyabi olaraq 27 il 6 ay həbs cəzasına məhkum edilib.
Jurnalist casusluq və silahlı terrorçu təşkilata yardım etməkdə ittiham olunurdu.
Dekabrın 23-də İstanbul Ağır Cəza Məhkəməsində keçirilən prosesə prezident Rəcəb Tayyib Ərdoğan və Milli Kəşfiyyat Təşkilatının (MİT) vəkilləri qatılıblar. Onlar C.Dündarın cəzalandırılması tələbi ilə çıxış ediblər.
C.Dündarın vəkilləri isə dünən verdikləri açıqlamada məhkəmədə iştirak etməyəcəklərini ifadə ediblər:
Öncədən çıxarılmış siyasi hökmün legitimləşdirilməsinin bir hissəsi olmaq istəmirik”
vəkillər bildirib.
Nə baş verib: C.Dündar 2014-cü ildə MİT-ə məxsus yük maşınlarına basqınla bağlı gizli görüntülərin yayımlanmasında şübhəli bilinib. 2015-ci ilin noyabrında “hərbi və siyasi casusluq”da ittihamı ilə həbs olunub.
MİT-in yük maşınları 2014-cü il yanvar ayının əvvəlində Adananın cənubunda müharibə şəraitində olan Suriyaya silah-sursat daşıyan zaman prokurorluğun qərarı ilə dayandırılıb.