Azərbaycan Müdafiə Nazirliyi bildirir ki, iyulun 19-u təxminən 23:40-da Ermənistan silahlı qüvvələrinin bölmələri Vedi rayonunun Arazdəyən kəndi yaxınlığında yerləşən mövqelərindən Naxçıvan Muxtar Respublikası Sədərək rayonunun Heydərabad yaşayış məntəqəsi istiqamətində yerləşən Azərbaycan Ordusunun mövqelərini atəşə tutub.
Məlumatda göstərilir ki, Azərbaycan Ordusunun hərbi qulluqçusu baş leytenant Ramal Bədəlli ayağından yaralanıb. Yaralıya ilkin tibbi yardım göstərilib və o, tibb müəssisəsinə təxliyə olunub.
