Oktyabrın 14–də Baş Prokurorluqdan 44 günlük müharibədə itkin düşmüş hərbi qulluqçularından birinin cəsədinin tapıldığı bidirilib.
Onun zabit İxtiyar Əliyev olduğu müəyyən edilib.
Artıq cəsəd ailə üzvlərinə təhvil verilib və Goranboy rayonunda dəfn mərasimi keçirilib.
Bununla da 44 günlük müharibədə itkin düşmüş sayılan Azərbaycan hərbçilərinin sayı 6-ya enib. Müharibədə ölən hərbi qulluqçuların sayı isə 2 min 908-ə yüksəlib.
Nə baş verib: Ötən ilin 27 sentyabrda Azərbaycan və Ermənistan arasında 44 günlük İkinci Qarabağ müharibəsi başladı. 2020-ci ilin 10 noyabrında Azərbaycan, Ermənistan və Rusiya arasında razılaşma əldə olunub və döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib. Rəsmi məlumata görə, savaş müddətində ümumilikdə 93 mülki şəxs həlak olub, 454 mülki vətəndaş isə yaralanıb.
