Yeni Azərbaycan Partiyası (YAP) təşviqat mərhələsində ödənişsiz efir vaxtından istifadə etməyəcək.
Report bu barədə yazır.
Pulsuz efir vaxtı nədir: Seçki Məcəlləsinə əsasən siyasi partiyalar, blokların namizədləri 60-dan çox seçki dairəsində qeydə alınarsa, həmin blok və partiyalara pulsuz efir vaxtı ayrılır. Bu pulsuz efir İctimai Televiziya və Radioda, həmçinin dövlətdən maliyyələşən dövrü mətbuatda ayrılır.
YAP-ın neçə namizədi qeydə alınıb: Yeni Azərbaycan Partiyası parlament seçkilərində iştirak üçün 125 deputat yerinə 123 nəfərin namizədliyini irəli sürüb. Onların hamısının namizədliyi qeydə alınıb.
Nə baş verib: Ötən il Milli Məclisin deputatları parlamentin buraxılması təşəbbüsü ilə prezident İlham Əliyevə mrüaciət edib. Konstitusiya Məhkəməsinin təsdiqləməsindən sonra dekabrın 5-i İlham Əliyev parlamentin buraxılması barədə sərəncam imzalayıb. Həmin sərəncama əsasən bu il fevralın 9-a növbədənkənar parlament seçkiləri təyin olunub.
