Avropa Şurası Parlament Assambleyasının (AŞPA) nümayəndə heyəti növbədənkənar parlament seçkilərinin seçkiqabağı mühitini qiymətləndirmək üçün 22-23 yanvarda Bakıda olub.
Müxtəlif həmsöhbətlərlə müzakirələrdən sonra nümayəndə heyətinin gəldiyi qənaət:
- İnkişaf etdirilməli bir çox sahə var və seçki gününədək heç olmasa onlardan bəzilərinin inkişafı həyata keçirilməlidir.
- Fundamental haqlara, xüsusən ifadə və sərbəst toplaşmaq azadlığına münasibətlə bağlı ciddi narahatlıqları olub.
- Bəzi yerli müxalifət partiyalar məhdudlaşdırıcı mühitə görə seçkini boykot edib.
- Nümayəndə heyəti həm də təəssüflənir ki, Avropa Məhkəməsinin bu barədə qərarı olsa da bəzi siyasi liderlərin adları cinayətkar siyahısından çıxarılmayıb və buna görə onlar seçkiyə buraxılmayıb.
Həmsöhbətləri nümayəndə heyətinə nə deyib:
- Toplaşmaq, birləşmək və hərəkət etmə azadlıqlarının ciddi şəkildə məhdudlaşdırılıb.
- Hökumət tənqidi fikirləri səsləndirənlərə iqarşı sistematik təzyiq və cinayət təqibləri edir
- Ötən il oktyabrın 19-da Bakıda müxalifətin razılaşdırılmamış mitinqini dağıtmaq üçün hakimiyyət bir çox fəalları və müxalifət liderlərini həbs edib, onlara qarşı fiziki güc tətbiq edib.
- 2017-ci ildən etibarən Nəqliyyat, Rabitə və Yüksək Texnologiyalar Nazirliyinə, KİV-lərin saytlarını məzmununa görə, əvvəlcədən məhkəmə qərarı olmadan bağlamaq hüququ verilib.
Parlament seçkisini AŞPA-dan kim müşahidə edəcək:
- Fevralın 9-da baş tutuacaq seçkini müşahidə etmək üçün qurumun 32 nəfərdən ibarət nümayəndə heyəti Azərbaycana gələcək.
