Kristina Koç 328 gün Beynəlxalq Fəza Stansiyasında qalandan sonra Yerə geri qayıdıb. Guardian yazır ki, bununla o, rekorda imza atıb və fəzada ən uzun müddət vaxt keçirən qadın kosmonavt olub.
Kosmonavtın italiyalı həmkarı Luca Parmitano və rus həmkarı Aleksandr Skvortsovla birlikdə olduğu “Soyuz” kosmik gəmisi Qazaxıstanda Yerə enib.
41 yaşlı kosmonavt Kristina Koç 328 gün ərzində orbiti 5,248 dövr edib və ümumilikdə 223 milyon kilometr məsafə qət edib. Bu, 291 dəfə Aya gedib geri qayıtmağa bərabərdir.
Onun arzusu gələcək nəsillərə ilham olmaqdır.
Kristina Koç kimdir: Amerikanın Şimali Karolina ştatından olan kosmonavt ixtisasca elektrotexnikdir. O həm də kosmik elm instrumentlərinin inkişaf etdirilməsində mütəxəssisdir.
