Bu gün Prezident İlham Əliyev məhkum edilmiş bəzi şəxslərin əfv edilməsi ilə bağlı sərəncam imzalayıb. Sərəncama əsasən yaşı 65-dən yuxarı olan 176 məhkum azadlığa buraxılıb. Siyahıda “İşçi Qrup”un Siyasi məhbus siyahısına daxil edilən iki nəfər var. Onlar Fəramiz Abbasov və Eldar Bünyadovdur.
F.Abbasov və E.Bünyadov kimdir: Fəramiz Abbasov Azərbaycan İslam Partiyasının sədri Mövsüm Səmədovla birgə həbs olunan məhbuslardandır. O, Bakı Ağır Cinayətlər Məhkəməsinin 7 oktyabr 2011-ci il tarixli qərarı ilə 11 il azadlıqdan məhrum edilib.
Eldar Bünyadov isə “Nardaran işi”ndə saxlanılıb, həbs olunanlardandır. O, Bakı Ağır Cinayətlər Məhkəməsinin 6 dekabr 2017-ci il tarixli hökmü ilə 12 il 3 ay müddətinə azadlıqdan məhrum edilib.
