Çexiya hökuməti martın ortalarında COVID-19 pandemiyasına görə tətbiq edilən karantini tədricən ləğv etmək qərarına gəlib. Current time yazır ki, Aprelin 24-dən etibarən ölkə sakinləri yenidən xaricə (geri qayıtdıqdan sonra iki həftəlik karantində qalmaq şərti ilə) gedib ölkə daxilində hərəkət edə biləcəklər . Ölkə sərhədlərinin xarici vətəndaşlar üçün nə zaman açılacağı hələlik məlum deyil.
Çex hökuməti digər məhdudlaşdırıcı tədbirlərin yüngülləşdirilməsi üçün əvvəllər təsdiq edilmiş qaydalara yenidən baxıb. Nələrə icazə veriləcək:
- 10 nəfərlik qrup halında toplaşmağa icazə veriləcək.
- Mağazalar və xidmət sahələri gözləniləndən daha erkən fəaliyyətə başlayacaq.
- 27 apreldən etibarən Ticarət Mərkəzindəkilər istisna olmaqla sahəsi 2500 metrdən az olan mağazalar, fitnes mərkəzləri və zooparklar açılacaq.
- Universitetlər tələbələri qəbul etməyə başlayacaq.
- Mayın 11-də ticarət mərkəzləri, gözəllik salonları, masaj salonları, muzeylər açılacaq
- Mayın 25-dən kafe və restoranlar fəaliyyətə başlayacaq.
Son günlər Çexiyada koronavirusa yeni yoluxma sayı azalmaqdadır. Müvafiq olaraq, sağalanların sayı artdıqca xəstələrin sayı da azalır. İndi bu say 5 min-dən azdır. İndiyə qədər Çexiyada 7 mindən çox insan virusa yoluxub, 2 mindən çox insan sağalıb, 210 nəfər ölüb. Rəsmi məlumatlara görə, aprelin 23-də cəmi 6 yeni yoluxma qeydə alınıb.
Çexiya Avropada ilk və ağır karantin tətbiq edən ölkələrdən biri idi.
