Britaniya rok qrupu olan The Rolling Stones 2012-ci ildən bəri ilk dəfə “Living In a Ghost Town” adlı mahnısını kliplə birgə yayımlayıb.
Karantin günlərində özünütəcridlə bağlı olan mahnının klipində London, Los-Ancels, Tokio, Oslo və Toronto kimi şəhərlərdəki insan olmayan küçələr göstərilir.
Mahnı karantin dövründən əvvəl yazılmağa başlasa da tamamlanma işləri həmin dövrə təsadüf edib. Ehtimal edilir ki, “Living In a Ghost Town” mahnısı qrupun yeni albomuna daxil ediləcək.
- Qrupun son studiya albomu “A Bigger Bang” 2005-ci ildə yayımlanıb. Hitlərdən ibarət olan “Grrr!” adlı yığma albom isə 2012-ci ildə təqdim edilib. The Rolling Stones 2016-cı ildə bluz ifaların coveri olan “Blue and Lonesome” albomunu buraxıb.