Çinin Milli Səhiyyə Komissiyasının sözcüsü Mi Fenq koronavirusun ilk dəfə qeydə alındığı Vuhan şəhərindəki bütün xəstələrin evə buraxıldığını deyib. O, mətbuata açıqlamasında bildirib ki, aprelin 26-dan etibarən Vuhanda Covid-19 virusu daşıyıcısı olan xəstələrin sayı sıfıra enib.
Vuhanda vəziyyət necə idi: Çinin açıqladığı rəqəmlərə görə, Vuhanda 46 452 nəfər Covid-19 yoluxub. Bu da bütün ölkədəki koronavirus xəstələrinin 56 faizinə bərabərdir. Həmin şəhərdə bu virusdan ölənlərin sayı 3 869 nəfər olub.
Ekspertlər nə deyir: Çinin qapalı idarə etmə sisteminə görə mütəxəssislər hesab edir ki, koronavirusla bağlı açıqlanan rəqəmlərin hamısı etibarlı olamaya bilər.
Virusun başladığı şəhərdə 76 gün davam edən karantin rejimi aprelin 8-i başa çatıb.
