COVID-19 virusu ilə mübarizə aparmaq üçün Türkiyə ABŞ-a şəxsi mühafizə üçün tibbi avadanlıq göndərib. Guardian yazır ki, paytaxt Ankaradan göndərilən avadanlıqla dolu hərbi təyyarə Vaşinqtonda eniş edəcək. Yardıma daxildir:
- Cərrahi maska – 500 000 ədəd
- Dezinfektant – 2 000 litr
- N-95 maskası – 400 ədəd
- Üz qoruyucu maska – 500 ədəd
- Kombinezon – 4000 ədəd
- Qoruyucu eynək – 1500 ədəd
Yardım qutularının üzərinə Mövlanın sitatı türkcə və ingiliscə yazılıb:
Ümidsizlikdən sonra nə qədər ümid var. Qaranlıqdan sonra nə qədər günəş var.
Türkiyə oxşar yardımı Böyük Britaniya, İtaliya və İspaniya da daxil olmaqla ümumilikdə 55 ölkəyə göndərib.
Türkiyədə vəziyyət necədir: Hazırda virusun yayılma tempinə görə, Türkiyə ilk onluqdadır. Bu günə qədər ümumilikdə 112 261 (15:40-a qədər olan rəqəm) yoluxma qeydə alınıb. Onlardan 2900 nəfər ölüb, 33 791 nəfər sağalıb. Hazrda aktiv koronavirus xəstəsi 75 570 nəfərdir.
