Almaniyada ürək xəstəlikləri mütəxəssisi Metin Çakır sosial media hesabında homoseksuallığı “xəstəlik” kimi xarakterizə etdikdən sonra işdən çıxarılıb. Alman mediası yazır ki, Karlsruhedəki Helius klinikasının ürək-damar cərrahı kimi çalışan türk əsilli Metin Çakırın qovulmasına səbəb bu cümlə olub:
Bir həkim kimi bildirirəm ki, homoseksuallıq və transseksuallıq xəstəlikdirlər.
Bundan sonra sosial mediada linç kampaniyasına məruz qalan həkim sözügedən paylaşımı silib. Helius klinikasından mətbuata verilən açıqlamada M.Çakırın işdən azad edildiyi bildirilib.
Həmkarımızın müvəqqəti olaraq işdən getməli olduğuna qərar verdik. Vəziyyəti araşdıracağıq və qiymətləndirmə aparacağıq. O, 20 ildir ki, bizim xəstəxanada işləyir.
