ABŞ Prezidenti Donald Tramp yeni növ koronavirusun Çin virusoloji laboratoriyasında yaradıla biləcəyinə inandığını deyib. Tramp buna əmin olduğunu bildirsə də dəlillər barədə danışmaqdan imtina edib.
Mən bu məlumatı verə bilmərəm. Buna icazəm yoxdur.
ABŞ prezidenti bildirib.
Çinin dövlət tərəfindən dəstəklənən Vuhan Virologiya İnstitutu isə iddiaları rədd edib. ABŞ-ın digər rəsmiləri də belə ehtimalın az olduğunu deyib. Əksər mütəxəssislər virusun Vuhandakı vəhşi heyvan satışı ilə məşğul olan bir bazarda meydana gəldiyini və heyvanlardan insanlara sıçradığını düşünür.
Tramp son həftələrdə təkcə ABŞ-da on minlərlə insanın həyatına son qoyan, iqtisadi böhrana səbəb olan və noyabr ayında yenidən seçilmək şansını təhdid edən pandemiyaya görə Çindən məyusluğunu ifadə edib.
