Koronavirus pandemiyası ilə paytaxt Bakıda, eləcə də regionlarda dezinfeksiya işləri aparılır. Bu günlərdə sosial şəbəkələrdə dezinfeksiya zamanı məhlulun insanların üzərinə töküldüyünü əks etdirən bir neçə video yayılıb.
Bəs dezinfeksiya zamanı istifadə edilən maddələr insan sağlamlığı üçün nə qədər təhlükəlidir?
Bakı Dezinfeksiya Mərkəzindən Mikroskop-a bildiriblər ki, dezinfeksiya məhlullarının əlbəttə ziyanı var. Lakin polislərin istifadə etdiyi məhlulun tərkibi barədə məlumatlı deyillər.
Allergik reaksiyaya, öskürməyə, bronxların zədələnməsinə, zəhərlənməyə səbəb ola bilər. Lakin dezinfeksiya maddəsi ölümcül təsirə malik deyil.
Mərkəzdən onu da deyiblər ki, dezinfeksiya ilə məşğul olan hər qurum fərqli məhluldan istifadə edir.
- Dezinfeksiya məhlulunun təkibi əsasən bunlardan ibarət olur: xlor, xloramin, bromosept və s. maddələrdən ibarət olur.