ABŞ-ın “Freedom House” insan haqları təşkilatı illik “Keçid Ölkələri” hesabatını açıqlayıb. 29 ölkəni əhatə edən hesabatda Azərbaycan 1,14 balla oturuşmuş avtoritar rejimlər sırasında yer alıb. Ümumilikdə bu ölkələrdən 10-u demokratiya, 10-u hibrid rejim, 9-u isə avtoritar rejim kateqoriyasındadır.
Ermənistan 3 balla yarı avtoritar rejimlər, Gürcüstan isə 3,25 balla keçid, yaxud hibrid rejimlər sırasındadır. Hesabatda deyilir ki, hazırkı rejimin hakim ailə daxilində başqa bir, daha çox gözlənən hakimiyyət dəyişikliyinə zəmin yaratmasının əlamətləri görünür.
Son illər Əliyev hakimiyyətinin yüksək eşelonlarında əsasən həyat yoldaşının xeyrinə dəyişikliklər edir. 2016-cı ildə yaradılan “birinci vitse-prezident” postu onun və Paşayevlər klanı adlanan ailə şəbəkəsinin xeyrinədir. Yavaşıyan iqtisadiyyat və getdikcə güclənən bölücü klan siyasəti fonunda ictimai dəstəyi azalan Əliyev “köhnə qvardiya” məmurlarını vəzifədən uzaqlaşdırmaqla elitadaxili üsyan ehtimalını azaldıb, həmin şəxslər ya onun həyat yoldaşına qarşı çıxırdılar, ya da azından ona sadiq deyildilər. Gələcəkdə Əliyev istefa verərsə, Birinci ledi Mehriban Əliyeva öz tərəfdarlarından ibarət hakimiyyət strukturuna rəhbərlik edəcək.
hesabatda deyilir.
Hesabata görə, qonşu Rusiya da avtoritar rejimlər kateqoriyasındadır.
