Avropa İnsan Haqları Məhkəməsi (AİHM) jurnalist Xədicə İsmayılla bağlı növbəti qərarını açıqlayıb.
Qərar nə ilə bağlıdır: Xədicə İsmayılın jurnalistika fəaliyyətinə qarşı edilən hədə-qorxu kampaniyası ilə bağlıdır
Hansı hüquqlarının pozulduğu tanınıb: 6-cı (ədalətli məhkəmə araşdırması hüququ) və 8-ci (şəxsi və ailə həyatına hörmət hüququ) maddələri üzrə hüquqlarının pozulduğu tanınaraq Azərbaycan hökuməti 6 min avro cərimələnib.
- Bu, jurnalist barədə çıxarılan 3-cü qərardır.
Digər qərarlarlar hansı şikayətlər əsasında olub və bunlara görə Azərbaycan hökuməti nə qədər cərimələnib?
- İlk qərar (2019) jurnalistin videogörüntülərinin yayılması nəticəsində şəxsi həyatın toxunulmazlığını pozma maddəsi ilə açılmış cinayət işinin effektiv araşdırılmamasından verilən şikayət üzrə olub.
- AİHM Konvensiyanın şəxsi və ailə həyatına hörmət hüququ və fikri ifadə etmək azadlığı maddələrinin pozuntusunu tanıyıb və jurnalistə mənəvi zərərə görə 15,000 ,məhkəmə xərclərinə görə 1,750 avro müəyyən edib.
- İkinci qərar jurnalistin həbsi, vergidən yayınmada, vəzifə səlahiyyətlərindən sui-istifadədə ittiham olunması, 7.5 il azadlıqdan məhrum edilməsi ilə bağlı olub.
- AİHM hesab edib ki, jurnalistin azadlıq və toxunulmazlıq hüququna, ədalətli məhkəmə araşdırması hüququna, fikri ifadə etmək azadlığına və 18-ci maddə ilə təminat altına alınan hüquqlarına müdaxilə edilib. Azərbaycan hökumətin bu pozuntulara görə 25 min avro cərimələnib.
Təklif edirik ki, bu əntiqə videomuzu da izləyəsən! Avropa Məhkəməsinin qərarı ilə ödənməli olan kompensasiyaların gecikməsi ilə bağlıdır!
