İngiltərə hökuməti aprel ayında Türkiyədən alınmış 400 min ədəd qoruyucu geyimin (xalat) təhlükəsizlik standartlarına uyğun olmadığını deyib. “Daily Telegraph” yazır ki, buna görə də geyimlər istifadə olunmayacaq. İngiltərə ölkədəki Covid-19 xəstələrini müalicə edən səhiyyə işçilərinin şəxsi mühafizə avadanlığı ilə təmin etmək üçün Türkiyədən 84 ton avadanlıq alıb.
Türkiyədən gətirilən geyimlərin İngiltərə standartlarına uyğun olmadığı və anbarda saxlanıldığı yazılır. İngiltərənin qoruyucu geyimlər üçün ödədiyi məbləğin geri qaytarılmasını tələb edib-etməyəcəyi məlum deyil.
