Rusiyada koronavirusa yoluxanların sayı artıb və mayın 11-ə olan məlumata görə, daha 11 656 nəfərdə yoluxma qeydə alınıb. Meduza yazır ki, ölkədə indiyədək ümumilikdə 221 344 yoluxma qeydə alınıb. Onlardan 2009 nəfər ölüb. 2009 nəfərdən 94-ü dünən vəfat edib. Yeni yoluxmaların çoxu Moskvada qeydə alınmaqla 84 bölgəni əhatə edir. Son qeydə alınan rəqəmlərdən sonra Rusiya Böyük Britaniya (220,449) və İtaliyanı (219.070) qabaqlayaraq dünyada üçüncü yeri tutub.
İlk yerdə hansı ölkədir: Yeni növ koronavirusa yoluxanlar sayca ən çox ABŞ-dadır. Bu ölkədə 1 milyon 329 min 791 nəfərdə COVID-19-a yoluxma qeydə alınıb. İkinci yeri isə 224 min 350 nəfərlə İspaniya tutur.
İndiyə qədərki rəqəmlər nədir: Bu günədək dünyada koronavirusa 4 102 955 yoluxma, 282 719 ölüm və 1,4 milyon sağalma qeydə alınıb.
