“Pandemiya zamanı ictimai sağlamlıq tədbirləri siyasi motivli repressiyalara haqq qazandırmır”.
Bu, Helsinki Komissiyasının Azərbaycanla bağlı yaydığı bəyanatda deyilir.
Komissiyanın Nümayəndələr Palatasından olan sədri Alsi L.Hastinqs və həmsədri Rocer Vikerin birgə bəyanatında bildirilir ki, hakimiyyət qlobal böhrandan AXCP üzvlərinin və digər fəalların, jurnalistlərin ifadə azadlığını məhdudlaşdırmaq üçün istifadəni dayandırmalıdır.
Son həftələrdə Azərbaycan hakimiyyəti ölkənin əsas üxalifət partiyası olan Azərbaycan Xalq Cəbhəsi Partiyasına və “Azadlıq” qəzetinə bağlı şəxsləri həbs edib, istintaqa cəlb edərək dindirib , cərimələyib, işgəncələrə məruz qoyub. Azərbaycan hökuməti AXCP sədri Əli Kərimlinin internet və telefon əlaqəsini ara-sıra kəsir, onu ətraf aləmdən təcrid edir, mediaya müsahibəsinə imkan vermir.
bəyanatda vurğulanır
Komissiya hesab edir ki, pandemiya zamanı ictimai sağlamlıq tədbirləri siyasi motivli repressiyalara haqq qazandırmır.
