Belarus prezidenti Aleksandr Lukaşenko Minskdəki Qələbə paradından sonra koronavirusa yoluxmanın iki dəfə azaldığını deyib.
“İnsanların açıq havada olması daha ağılabatan idi, nəinki onların haradasa bağlı halda qalması. Yaxşı, biz nə əldə etdik? Minskdə əhəmiyyətli dərəcədə – iki dəfə azalma”
deyə Lukaşenko bildirib.
Prezident həm də deyib ki, səlahiyyətlilər paraddan sonra yoluxmaların sayında artım olub-olmamasından ehtiyat edirdilər.
Nə baş verib: Yeni növ koronavirus epidemiyasına baxmayaraq, mayın 9-da Minskdə genişmiqyaslı hərbi parad keçirilib.
Parad ərəfəsində Ümumdünya Səhiyyə Təşkilatı Belarus hakimiyyətini Qələbə Gününü alternativ formara qeyd etməyə çağırıb. Lakin Lukaşenko paradı ləğv etməkdən imtina edib.
Ölkədə yoluxma necədir: Mayın 12-nə olan məlumata görə, ölkədə COVID-19 yoluxanların sayı 24 873-ə, ölənlərin sayı 142-yə çatıb.
ÜST-ün də qeyd etdiyi kimi, yoluxma anından simptomların ortaya çıxmasına kimi təxminən 5-6 gün keçir, lakin inkubasiya müddəti 1-14 gün arasında dəyişə bilər.
