Baş Prokurorluq terrorçuluğu maliyyələşdirməkdə ittiham olunan AXCP fəalı Niyaməddin Əhmədovla bağlı məlumat yayıb. Məlumatda deyilir ki, siyasi fəal Almaniyada yaşayan tanışı Qabil Məmmədovdan maliyyə alıb.
İstintaq-əməliyyat zamanı Almaniyada yaşayan mühacir Qabil Məmmədovun terrorçuluğa hazırlıq və buna açıq çağırışlar etməsi barədə əsaslı şübhələr müəyyən edilib. O həmçinin 2015-2017-ci ildə külli miqdarda özgə əmlakını mənimsəyib və cinayət məsuliyyətindən yayınmaq üçün ölkəni tərk edib. Qabil Məmmədovun 2019-cu ildə sosial şəbəkədə yayımladığı videolar vasitəsilə kütləvi aksiyalara, polis əməkdaşlarını qətlə yetirməyə, onların evlərini yandırmaqla terrorçuluğun törədilməsinə açıq çağırışlar etdiyi müəyyənləşib.
Baş Prokurorluğun məlumatında deyilir.
Məlumatda vurğulanır ki, Niyaməddin Əhmədov terrorçuluğun maliyyələşdirilməsində istifadə olunacağını bilib, həmin pul vəsaitlərini qəbul edib.
- N.Əhmədova Cinayət Məcəlləsinin 214-1-ci (Terrorçuluğu maliyyələşdirmə) maddəsi ilə cinayət işi açılıb və barəsində 4 ay həbs qətimkan tədbiri seçilib.
- Hazırda axtarışda olan Qabil Məmmədovun isə Azərbaycana ekstradisiyası üzrə müvafiq hüquqi prosedurlar həyata keçirilir.
