Bir qrup hüquq müdafiəçisi gələn həftə Azərbaycan Xalq Cəbhəsi Partiyasının sədri Əli Kərimlinin evinə ziyarət etməyə hazırlaşır. Turan yazır ki, hüquq müdafiəçisi Novella Cəfəroğlunun sözlərinə görə, məqsəd Əli Kərimlinin problemlərini öyrənib müvafiq qurumların diqqətinə çatdırmaqdır. N.Cəfəroğlu AXCP sədrinin mühafizəçisinə qarşı irəli sürülən terrorçuluğu maliyyələşdirmə ittihamının doğruluğundan şübhə etdiyini bildirib.
Əli Kərimlini neçə illərdir tanıyıram. O çox ehtiyatlı siyasətçidir. Bu səbəbdən Əli Kərimlinin ətrafında terror hazırlayanların, bandit qruplaşmasının üzvlərinin olmasına inanmıram. Hökumətin addımları düzgün deyil.
hüquq müdafiəçisi deyib.
Partiya sədri Əli Kərimli Mikroskop-a deyib ki, o, bu ziyarətdən xəbərsizdir.
Mənə hələki bu barədə bir şey deyən olmayıb, amma qapım hamının üzünə açıqdır. Əgər hüquq müdafiəçiləri gəlib vəziyyəti yerində bilmək istəyirlərsə, buyursunlar
Nə baş verib: AXCP sədri Əli Kərimli yaşadığı mənzildə internetə çıxışının kəsildiyindən, bunu ona qarşı siyasi təzyiq kimi qiymətləndirir.
