Ötən gün polis tərəfindən saxlanılan və Lənkəranda yaşayan fəal Elvin İrşadovun ailəsi onunla görüşə bilməyib. Onların Mikroskop-a verdiyi məlumata görə, Elvin İrşadovun ailə üzvləri bu gün görüşməyə və ittiham aktını əldə etməyə cəhd edib. Polis bölməsində bildirilib ki, bu, mümkün deyil.
Dedilər ki, ittiham aktını da Elvinin özünə veriblər.
Nə baş verib: Umar Ali ləqəbli fəal E. İrşadov barəsində mayın Lənkəran Rayon Məhkəməsi 16 sutkalıq inzibati həbs qərarı çıxarıb. Ailəsi deyir ki, o , mayın 18-də 190 manatlıq ödəməni almaq üçün banka gedəndən sonra saxlanılıb:
Bankın qarşısındakı növbədə çəkiliş edəndə polislər tutub aparıb. Polis şöbəsinə gedəndə bizdən Elvinin telefonunu istədilər, biz telefonu verməkdən imtina etdik.
Niyə həbs olunub: Onun rəsmi olaraq nədə ittiham olunduğu açıqlanmayıb. Ailəsindən bildiriblər ki, Elvin bir müddət əvvəl sahə müvəkkilinin fotosunu paylaşıb tənqid edib və buna görə hədələnib. Ona görə də hesab edirlər ki, fəal hakimiyyəti və məmurları tənqid etdiyinə görə həbs olunub.
