Avropa İnsan Haqları Məhkəməsi (AİHM) mayın 26-da Azərbaycanla bağlı yeni qərarını açıqlayıb.
Bu, Ramil Səfərovun 2012-ci ildə Macarıstandan Azərbaycana ekstradasiyası ilə bağlı olan “Makuçyan və Minasyan Azərbaycana və Macarıstana qarşı” işi üzrə qərardır.
AİHM hansı pozuntuları tanıyıb: Məhkəmə hesab edib ki, bu iş üzrə Konvensiyanın 2-ci maddəsi, yaşamaq (Azərbaycan prosedural və substantiv, Macarıstan isə substantiv baxımdan) və ayrı-seçkiliyin qadağan olunması, yəni 14-cü maddəsinin pozuntusu baş verib.
Qərarda deyilir ki, nə Azərbaycan, nə də Macarıstan Konvensiyanın 38-ci (məhkəmə işinin araşdırılması) maddəsinə əməl ediblər. Buna görə də hər iki ölkə ərizəçilər.
Təzminat nə qədərdir: Azərbaycan ərizəçilər Makuçyan və Minasyana 15 143,33 funtsterlinq, təxminən 31 346 AZN ödəməlidir.
Nə baş verib: İşin materiallarında da deyildiyi kimi, Ermənistanın işğal etdiyi Cəbrayıl rayonunda doğulan R.Səfərov 2004-cü ildə NATO proqramları çərçivəsində Macarıstanda keçirilən üç aylıq ingilis dili kursuna qatılıb.
O, Ermənistandan olan kurs yoldaşı Qurqen Markaryanı onu təhqir etdiyi üçün qətlə yetirib və 2006-ci il aprelin 13-də Budapeşt Şəhər Məhkəməsinin qərarı ilə ömürlük azadlıqdan məhrum olunub.
2012-ci ildə Macarıstan hökuməti Azərbaycanın müraciəti üzrə R.Səfərovu Azərbaycana təhvil verib və o, Azərbaycanda əfv olunub. Vəfat edən erməni hərbiçisinin ailəsi AİHM-ə şikayət edib.
