Daxili İşlər Nazirliyi it döyüşlərini əks etdirən videogörüntülərdəki şəxslərin saxlanıldığı barədə məlumat yayıb. Məlumata görə, 6 nəfərin 4-ü – Bakı şəhər sakinləri – Rüfət Bədəlov, Hüseyn Əliyev, Murad Ştayev və Qubadlı rayon sakini, hazırda Sumqayıt şəhərində yaşayan Mətləb Əliyev saxlanılıb. DİN digər 2 nəfərin saxlanılması üçün əməliyyat-axtarış tədbirlərinin davam etdirildiyini vurğulayıb.Araşdırmalarla o da müəyyən edilib ki, sosial şəbəkələrdə yayılan videogörüntülər 2019-cu ilin sentyabrında Abşeron rayonunda çəkilib.
Nə baş verib: Sosial şəbəkələrdə it döyüşləri ilə bağlı video və fotolar yayılıb. İddia edilir ki, təşkilatçılar itləri ölənə qədər döyüşdürür, daha sonra məğlub olan iti kəsib, ətini digər itlərə yedizdirirlər.
