Nardaran hadisələrinə görə həbs olunan Abbas Hüseynin saxlanıldığı 8 saylı Cəzaçəkmə Müəssisəsində işgəncəyə məruz qaldığı bildirilir. Məhbusun anası Rəhimə Hüseynova Mikrospkop-a deyib ki, o, 19 gündür aclıq aksiyası keçirir və buna görə cərimə kamerasına (kars) salınıb:
Abbas zəng vurmuşdu, dedi ki, cəzaşəkmə müəssisənin rəhbərliyi tərəfindən göndərilmiş 20 nəfərə yaxın şəxs ona işgəncə verib, döyüblər.
Abbas Hüseyn məhbuslara evdən ərzaq sovqatı gətirilməsi qadağasına etiraz olaraq aclıq aksiyasını başlayıb. Penitensiar Xidməti A.Hüseynin aclıq etməsi barədə xəbəri təkzib edib.
Nə baş verib: Cəzaçəkmə müəssisələrinə evdən sovqatın gətirilməsinin qadağan edilməsi koronavirusla bağlı tədbirlərlə əsaslandırılıb.
Abbas Hüseyn kimdir: A.Hüseyn 2015-ci il noyabrın 26-da Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsinin Bakının Nardaran qəsəbəsində keçirdiyi əməliyyat zamanı həbs olunub. 2017-ci il yanvarın 25-də Bakı Ağır Cinayətlər Məhkəməsinin qərarı ilə o, 20 il müddətinə azadlıqdan məhrum edilib.
