ABŞ prezidenti Donald Tramp sosial şəbəkələrin işinin nizama salınması ilə bağlı fərman imzalayıb.
Bu nə deməkdir: Tramp sosial media şirkətlərini istifadəçilər tərəfindən paylaşılanlara görə məsuliyyətdən qoruyan qanunu ləğv etmək və ya dəyişdirmək istəyir.
O deyir ki, neytral platforma nəzəriyyəsinə əsaslanan sosial şəbəkələr “Twitter” kimi məsuliyyətdən misli görünməmiş müdafiəyə malik idilər.
Qarşı tərəf nə deyir: “Twitter” bu fərmanı mürtəce və siyasiləşmiş bir yanaşma adlandırıb və bunun senzuraya gətirib çıxara biləcəyini bəyan edib.
“Tramp demək olar ki, hər gün “Twitter”dən siyasətini təbliğ, rəqiblərini isə təhqir etmək üçün istifadə edir. O, uzun müddətdir ki, saytın Demokratlar lehinə qərəzli olduğuna dair sübutsuz iddialar səsləndirir”.
Nə baş verib: Bir neçə gün öncə Tramp “ölkəmizdə poçt vasitəsilə səsvermələrin geniş vüsət almasına yol verə bilmərik, burada səsləri saxtalaşdırmaq, oğurlamaq sərbəstliyi ortaya çıxır” məzmnlu tvit atmışdı. Bundan sonra “Twitter” Trampın postunu “əsaslandırılmamış” kimi qeyd edərək oradakı faktları yoxlamağa çağırmışdı.
