Universitetlərdə təhsil haqları ödənişlərinin ləğvi və imtahanların keçirilməməsi ilə bağlı Təhsil Nazirliyinə müraciət edən gənclər cərimələnib. İyunun 1-də nazirliyin binası qarşısına gedən 7 gəncdən 1-i, Rüstəm İsmayılbəyli barəsində 15 sutka inzibati həbs qərarı çıxarılıb Digər 6 nəfər isə 100-200 manat cərimələnərək sərbəst buraxılıb.
Onların cəriməsini ödəmək üçün bir qrup fəal ictimai kampaniya başladıb.Facebookdakı “Tələbə tələbi” səhifəsi cərimələrin ödənilməsi kampaniyası üçün bank hesabı da paylaşıb.
Nə baş verib: İyunun 1-də bir qrup tələbə karantin dövründə təhsil haqlarının tələb edilməsinə qarşı çıxıb. Bununla bağlı Təhsil Nazirliyi önünə toplaşıb və tələb edib ki, təhsil haqqı ödənməsin və imtahanlar ləğv edilsin.Toplaşan tələbələr və ictimai fəallar polis təzyiqi ilə üzləşib.
