“QueeRadar” təşəbbüs qrupu Azərbaycanda bərabərlik və müxtəliflik ideyalarını təbliğ edən məqalə müsabiqəsi elan edib. LGBTIQ+ qürur ayı münasibətilə elan edilən müsabiqədə ilk 3 yerin qaliblərinə pul mükafatı nəzərdə tutulub. Müsabiqəyə son müraciət tarixi 3 iyuldur.
Mövzu nədir: Müsabiqəyə “LGBTIQ+lərə qarşı diskriminasiya ilə mübarizə” mövzusunda yazılan məqalələr qəbul olunacaq. Şərtlərlə bağlı daha ətraflı tanış olmaq üçün linkə daxil olmaq olar.
“QueeRadar” nədir: “QueeRadar” mətbuatdakı LGBTIQ+fobiyanı aşkarlamaq, ictimailəşdirmək və onunla mübarizə aparmaq üçün ortaya çıxan təşəbbüsdür. Təşəbbüsün məqsədi Azərbaycan mətbuatındakı LGBTIQ+fobik kontentləri göstərmək, onların arxivini formalaşdırmaq və bu mövzuda mətbuatın inkişafına nail olmaqdır.
Nə baş verib: İyun ayı bütün dünyada LGBTIQ+ qürur ayı kimi qeyd olunur. Bu aydan başlayaraq bir çox ölkənin böyük şəhərlərində gey qürur yürüşləri təşkil olunur.
