Facebook sosial şəbəkəsi dövlətin nəzarətində olan media qurumlarının paylaşımlarını etiketləməyə başlayır. Şirkət hesab edir ki, sosial şəbəkə istifadəçiləri həmin qurumlarının dövlətin nəzarətində olmasından xəbərdar olmalıdırlar.
İnsanlara “Facebook”da gördükləri xəbərin arxasında kimin dayandığını daha yaxşı başa düşmələrinə kömək etmək istəyirik. Onlar oxuduqları xəbərin dövlətin təsir edə biləcəyi mənbələrdən qaynaqlandığını bilməlidirlər”
deyə “Facebook”un Kibertəhlükəsizlik şöbəsinin rəhbəri Natan Qleyxer bildirib.
Şirkət həmçinin ilin sonunda ABŞ-da həmin media qurumlarından gələn siyasi reklamları bloklamağı planlaşdırır. Bundan əvvəl oxşar təşəbbüsü “Twitter” sosial şəbəkəsi irəli sürüb.
“Facebook” bildirir ki, onlara etiketin yanlışlıqla tətbiq edildiyini iddia edən media qurumları apelyasiya şikayəti verə bilərlər.
Mediaya dövlət nəzarəti necə müəyyən edilir: Nəşrin sahiblik quruluşu, rəhbərlik və işçilər haqqında məlumatlar, redaksiya siyasəti və qaydaları, habelə maliyyələşdirmə və gəlir mənbələri əsasında.
