Daxili İşlər Nazirliyi dünən Yasamal rayonu ərazisindəki yaşayış binasında baş verən hadisə ilə bağlı məlumat yayıb. Məlumata görə, binada əməliyyat keçirilib və mənzillərin eyvan və pəncərələrindən polisə müxtəlif əşyalr atan 11 nəfər saxlanılıb. Hazırda onlarla barəsində araşdırma davam etdirilir.
Nə baş verib: Koronavirusla mübarizə məqsədilə tətbiq olunan xüsusi karantin rejimi çərçivəsində Azərbaycanda ötən həftəsonu vətəndaşlara evdən çıxmaq qadağan edilib. Adi çəkilən bina sakinlərindən bir nəfər zibil atmaq üçün küçəyə çıxıb və bu zaman polis tərəfindən saxlanılıb. O, tədbir görülmək üçün polisə maşınına mindirilərək aparılanda bina sakinləri buna etiraz edib və polisin üzərinə müxtəlif əşyalar və zibil atmağa başlayıb. Hadisənin videogörüntüləri yayılıb.
