Formula-1 üzrə dünya çempionatının Azərbaycan Qran-prisi ləğv olunub. Təşkilatçıların yaydığı məlumata görə, bu il Sinqapur və Yaponiya Qran-prisi də ləğv olunub.
Azərbaycan xalqının, azarkeşlərin, həmçinin Formula-1 əməkdaşlarının sağlamlığı və təhlükəsizliyi naminə bu qərarı verməli olduq”
deyə təşkilatçılar bildirib.
Qran-pri iyunun 5-7-də keçirilməli olsa da, koronavirus pandemiyasına görə təxirə salınmışdı.
Azərbaycanda bu yarışlar 2016-ci ildən bəri keçirilir. Razılaşmaya əsasən, Azərbaycan 2023-cü ilə qədər bu yarışlara ev sahibliyi etməlidir. Rəsmilərin sözlərinə görə, əks halda, Azərbaycanı 50 milyon dollar cərimə gözləyir.
