Thomson Reuters Fondu Azərbaycan, Ermənistan, Belarus, Gürcüstan, Moldova və Ukraynadan olan jurnalistləri 12 həftəlik “COVID-19 HUB” adlı onlayn təlim proqramına dəvət edir.
Proqram niyə keçirilir: Proqramın əsas məqsədi nəzəri bilik vermək və jurnalistlərin koronavirus pandemiyasının təsirlərini hərtərəfli işıqlandırmaqda praktik bacarıqlarını artırmaqdır. İştirakçılar həftədə bir dəfə onlayn seminar və ya mütəxəssislərlə görüş, iki həftədə bir dəfə isə 5 iştirakçıdan ibarət qrupda mentorla 90 dəqiqəlik onlayn seminarda bir araya gələcəklər. Kurs müddətində mentorların dəstəyi ilə bütün iştirakçılar 2-3 material yazacaq.
Kimlər təlimdə iştirak edə bilər: Təlim kursu 2 il və daha çox iş təcrübəsi olan jurnalistlər üçün nəzərdə tutulub və 7 iyul – 25 sentyabr tarixlərini əhatə edir. İştirakçıların maksimum sayı 20 nəfərdir və 12 həftə dərslərdə iştirak etməlidirlər.
Müraciət edənlər aşağıdakı tələblərə cavab verməlidirlər:
Aşağıdakı ölkələrdən birinin vətəndaşı olmalı və orada yaşamalıdır: Ermənistan, Azərbaycan, Belarus, Gürcüstan, Moldova, Ukrayna;
Hökumət mediasında və ya digər media qurumlarında freelancer (sərbəst) jurnalisti kimi fəaliyyət göstərmək;
Rus dilində yaxşı danışıq və yazı qabiliyyətinə malik olmaq;
Materialların nəşri iştirakçıların işlədiyi dildə ola bilər;
İştirak üçün nə qədər ödəniş lazımdır: Proqramda iştirak ödənişsizdir. Yazı materiallarının hazırlanması üçün mini qrantlar nəzərdə tutulur.
Daha ətraflı bu linkdən məlumat ala bilərsiniz.
