1 saylı Kliniki Tibbi Mərkəz (Semaşko) koronaviruslu xəstələrin müalicəsi ilə bağlı fəaliyyət göstərəcək.
Bu barədə APA-ya TƏBİB-dən bildirilib.
Qeyd edilib ki, “Semaşko”da olan bütün digər şöbələr koronaviruslu xəstələrin müalicəsi üçün ayrılıb. Xəstəxanada müalicə alan digər xəstələr aidiyyəti üzrə digər xəstəxanalara köçürüləcək.
Yeni müraciət edən xəstələr isə Respublika Klinik Xəstəxanasına, 6 saylı Şəhər Xəstəxanasına, eyni zamanda Topçubaşov adına Elmi-Cərrahiyyə Mərkəzinə müraciət edə bilərlər.
