“Leto” və “Tələbə” kimi filmləri ilə tanınan rusiyalı filmmeyker Kirill Serebrennikov Sovet kinorejissoru Andrey Tarkovskinin həyatından bəhs edən serial çəkəcək. “Variety” jurnalı yazır ki, Serebrennikovun yazdığı və rejissorluq edəcəyi serialın istehsalını “Hype Film” üzərinə götürüb. Serialın prodüseri İlya Stüart deyir ki, A.Tarkovskinin və onun şah əsərlərinin dünya kinosuna çox təsiri olub.
Tarkovski hər nəsildən olan rejissorlar üçün sonsuz ilham mənbəyi olaraq qalır. K.Serebrennikov kimi bənzərsiz yazar və rejissorla işləmək isə şərəfdir”
deyə İ.Stüart vurğulayıb.
Serebrennikov bu yaxınlarda “Petrov qripi” filminə rejissorluq edib. Film virtual baş tutacaq Kann Film festivalında təqdim olunacaq.
Tarkovski kimdir : Sovet kinorejissoru, ssenarist, film redaktoru, film nəzəriyyəçisi, teatr və opera rejissoru. “Andrey Rublyov”, “Solyaris”, “Ayna” “Stalker” və s.kimi məşhur filmlərin rejissorudur. O, filmlərindən beşini Sovet İttifaqında , son ikisini isə İtaliya və İsveçdə çəkib. Tarkovski 1986-cı ildə 54 yaşında aöciyər xərçəngindən vəfat edib.
