Rusiyada “Yeddinci Studiya” işi ilə bağlı məhkəmədə dövlət ittihamçısı müttəhimlərin mühakimə olunmasını istəyib.
Meduza yazır ki, rejissor Kirill Serebrennikova 6 il həbs və 800 min rubl cərimə tələb edilib.
Digərləri üçün tələblər: Dövlət ittihamçısı prodüser Aleksey Malobrodskinin 5 il həbs və 300 min rubl cərimə, Sofiya Apfelbaum və Yuri Itinin isə 4 il həbs və 200 min rubl cərimə edilməsini istəyib.
Kimlər nədə ittiham olunur: “Yeddinci Studiya” işində adı hallananlar Mədəniyyət Nazirliyinin “Platforma” teatr layihəsi üçün ayırdığı vəsaiti mənimsəməkdə ittiham olunurlar. İttihama görə, bütün təqsirləndirilən şəxslərə 3 il müəyyən vəzifələr tutmaq qadağan edilməlidir.
Təqsirləndirilənlər:
Rejissor Kirill Serebrennikov
Mədəniyyət Nazirliyinin keçmiş əməkdaşı Sofiya Apfelbaum
Keçmiş baş prodüser Aleksey Malobrodsky
Qurumun keçmiş baş direktoru Yuri Itin
Prodüser Ekaterina Voronova
Ekaterina Voronova hazırda axtarışdadır.
