Vətəndaş cəmiyyəti nümayəndələri Rusiya -Azərbaycan sərhəddində qalmağa məcbur olan azərbaycanlılarla bağlı yerli dövlət qurumlarına, beynəlxalq təşkilatlara və səfirliklərə müraciət ünvanlayıb.
Müraciətdə deyilir ki, koronavirus pandemiyası ilə əlaqədar sərhəddə qalan təxminən 600 azərbaycanlının həyat şəraitinin ağır olduğunu bildirilir:
Zəruri qida və su ehtiyatları ilə əlaqədar problemlər yaşayırlar, qeyri-sanitar mühitdə yaşayırlar və tibbi yardım ala bilmirlər”.
Həmin şəxslərin Azərbaycana buraxılmadıqlarına görə etiraz etməsi və Rusiya polisinin zorakı davranışı ilə üzləşməsi məsələsi də müraciətdə yer alıb. Bildirilib ki, vətəndaşlar polis tərəfindən qeyri-insanı və ləyaqəti alçaldan rəftara məruz qalıblar.
Azərbaycan vətəndaşlarının ölkəyə qayıtmasına qoyulan məhdudiyyət onlar üçün ağır humanitar vəziyyət yaratmaqla bərabər, Konstitusiyanın 28-ci mad-dəsinin IV hissəsinə ziddir”
müraciətdə deyilir.
Müraciətdə nə tələb olunur: Vətəndaş cəmiyyəti nümayəndələri səlahiyyətli dövlət qurumlarından xahiş edir ki;
- Azərbaycan-Rusiya sərhəddində qalmış təxminən 600 vətəndaşımızın humanitar vəziyyətinin aradan qaldırılması üçün görülməsi nəzərdə tutulan tədbirlər barədə ictimaiyyətə müvafiq və tutarlı məlumat verilməsini təmin edəsiniz;
- Həmin vətəndaşlarımızın ölkəyə buraxılmasının ağlabatan müddətdə həyata keçirilməsi üçün təxirəsalınmaz tədbirlər görəsiniz;
- Sərhəddə baş verən insidentlə əlaqədar Rusiya hüquq mühafizə orqanları tərəfindən saxlanılmış azərbaycanlıların azad olunması istiqamətində lazımi tədbirlər həyata keçirəsiniz.
Müraciətin tam mətni ilə linkdən tanış ola bilərsiz.
