İyunun 24-ü səhər saatlarında müstəqil Arqument.az saytının “Facebook” səhifəsinə müdaxilə olub. Saytın redaktoru Şəmşad Ağanın verdiyi məluma görə səhifədən 12 min izləyici və mart ayına qədər bütün paylaşımlar silinib.
Bundan öncə, iyunun 18-də Meydan TV-nin sosial şəbəkə hesablarına hücum olmuşdu. Saytın “Facebook” səhifəsində 2018-ci ildən sonrakı bütün paylaşımları silinmişdi.
Azərbaycan 11 il əvvəl “Kibercinayətkarlıq haqqında” Konvensiyaya qoşulub.
Bu nə deməkdir: Azərbaycan informasiya sistemlərinə qanunsuz daxil olma, qanunsuz ələ keçirmə, məzmuna müdaxilə əməllərinin cinayət əməli kimi tövsif edilməsi üçün zəruri olan tədbirləri həyata keçirmək öhdəliyi götürüb. 7-8 il əvvəl bu hərəkətlər cinayət əməli kimi tövsif edilib, Cinayət Məcəlləsinə ayrıca fəsil əlavə edib.