Xüsusi rejimli karantin günlərində əhalinin yaşayış yerini tərk etmək üçün istifadə etdiyi 8103 icazə sisteminə dəyişiklik edilib. Əvvəlkindən fərqli olaraq göndərilən qısa mesaja cavab dərhal yox, 15 dəqiqə ərzində gələcək. “E-təbib” mobil tətbiqi ilə edilən müraciətin cavabı isə 5 dəqiqə ərzində gələcək. Vətəndaşlar yaşayış yerini yalnız müsbət cavab aldıqdan sonra tərk edə bilərlər.
Niyə dəyişiklik edilib: ASAN Xidmət (Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi) araşdırıb ki, SMS icazəyə dərhal cavab verilməsindən sui-istifadə halalrı yaranıb. Onlar müəyyən edib ki, bəzi vətəndaşlar icazəni evdən çıxmazdan əvvəl yox, yalnız polis yoxlama məntəqələrinə yaxınlaşanda alır.
Cəmi neçə SMS göndərilib: İndiyədək evdən çıxmaq üçün vətəndaşlar 8103-ə 3 milyon 475 min SMS göndərib.
