“Bakı Metropoliteni”nin 29 əməkdaşı koronavirusa yoluxub, onlardan 1 nəfər vəfat edib. APA yazır ki, bu barədə qurumun mətbuat xidmətinin rəhbəri Bəxtiyar Məmmədov məlumat verib. O deyib ki, virusa yoluxan əməkdaşların 6-sı artıq sağalıb, 22 nəfər isə hazırda müxtəlif tibb müəssisələrində müalicə alır.
İndiyədək ölkədə 14305 nəfər koronavirusa yoluxub, onlardan 7768 -si sağalıb, 174 nəfər həlak olub. Hazırda 6363 nəfərin xüsusi rejimli xəstəxanalarda müalicəsi davam edir.
Bu günədək Azərbaycanda təkcə “Bakı Metropoliteni” yox, daha bir neçə qurumun əməkdaşı virusa yoluxub. Hansı qurumun neçə əməkdaşı yoluxub:
- Prezident Administrasiyası -19 nəfər
- Fövqəladə Hallar Nazirliyi – 5 nəfər
- Əmək və Əhalinin Sosial Müdafiəsi Nazirliyi – 7 nəfər
- Milli Məclis – 1 deputat
- Milli Məclisin İşlər İdarəsi – 2 nəfər
- Baş Dövlət Yol Polisi İdarəsi – 2 nəfər
