BMT-nin Əhali Fondu “Dünya əhalisinin vəziyyəti” adlı illik qlobal hesabatını yayıb.
Hesabatda bildirilir ki, hər il dünyada milyonlarla qız ailələrinin, yaxınlarının və yaşadıqları icmaların razılığı ilə fiziki və mənəvi əziyyətlə üzləşir.
Bu zərərli təcrübələr sırasında qızların erkən yaşda ərə verilməsi, qadın sünnəti, gender-əsaslı cinsi ayrıseçkilik kimi hallar yer alır.
Hesabatda nə deyilir: Ehtimal olunur ki, bu ilin sonunadək dünyada təqribən 4,1 milyon qız qadın sünnətinə məruz qalacaq. Hər gün orta hesabla 33 000 nəfər yetkinlik yaşına çatmayan qız özündən yaşca dəfələrlə böyük şəxslərə zorla ərə verilir.
Bəzi ölkələrdə isə selektiv abortlar 140 milyon “itirilmiş” qız uşağının həyata gəlməkdən məhrum edilməsi ilə nəticələnib.
Azərbaycanın da daxil olduğu Şərqi Avropa və Mərkəzi Asiya regionunda qadınların 15%-i 18 yaşına çatmamış ailə qurub, bəzi yerlərdə isə iki qadından biri hətta uşaq yaşında ikən ərə verilib.
Mənbə:APA
